仔仔 - in memory of 東東

今日同幾個學生去左青衣碼頭玩釣魚，同行五人都無經驗，所以一無所獲 ... 不過都預左 ... 我只志在同後生仔交流下同影下相，佢地亦只係利用釣魚作為增進友情既工具，所以呢班學生都算ok健康啦 ...

釣釣下魚發覺有個熟悉既面孔，係邊個? 係我兩年半前過身既狗仔東東! 當然佢唔係東東，但確有幾分相似。同仔仔主人傾左幾句，發覺仔仔既性格同東東都有幾分相似，就係會咬人 ... (oh no!) 我同仔仔主人都認為西施汪係難教d ...

經仔仔主人批准，影左d仔仔既特寫 (激死! 影寵物確唔易，有幾幅out-focus左)，希望仔仔同佢主人鍾意啦! (都無請教仔仔個女主人叫乜名添 ...)

隔離摸緊仔仔而無上鏡既正是仔仔個女主人

仔仔個樣好可愛，可惜佢主人話佢可能會咬陌生人喎 ...
所以想摸下仔仔都唔得 ...

祝仔仔你健健康康啦!

嘩! long tongue!

最後，奉上東東遺照一張 ...

呢張係東東盛年時影架，所以算幾靚仔；而據女主人講，
仔仔已經屬於老汪，但 ... 兩個確有幾分相似，係咪?