今日放假，於是搵貧友睇早場 - 蝙蝠俠!
拍攝接近一流，短短五六分鐘既香港景拍得靚到唔知係香港咁滯! 今次以「黑」為主題，動作亦多，但攝影師往往將鏡頭 zoom 得太近，令我有頭暈眼花之感! 選角方面，一如以往，今次個小丑一樣咁搶鏡，怪唔知有人傳話個演員抽離唔到而去左! 而 Batman ... 由第一代至今，個個飾演 Batman 都可以係無乜演技，呢個亦唔例外，所以 no comment! 故事我就略嫌過份說教 - 事發城市既居民開始質疑 Batman 既滅罪能力，有人更認為 Batman 既存在刺激罪犯挑戰而犯罪 - 我認為有太多細節交代得太多，整體係一套 B 至 B+ 既電影啦!
今個暑假既電影合曬我胃口，cartoons and near-cartoons 係我既至愛! KungFu Panda, Wall*E, ...... 一年都唔入一次戲院既我，今年終於要洗下錢入場!
另外，今日賣戲票俾我果位哥哥竟然係我中六既同學仔，十六年無見差 d 唔認得!
沒有留言:
張貼留言