唔做戲真浪費!!!

熟我既貧友都知我頂唔順小貧友，呢個亦都係我搬離屋企自己住既原因之一。自從阿媽三年幾前應承我細佬湊佢個仔之後，我就一直搵樓搬! (當然，我現已搬走左近兩年)

以前一星期對住個姪五甚至六日，好難頂，想做下野都俾佢嘈親；而家就一星期食兩三次飯，好得多!

星期日晚佢無端端返左黎 (平時呢隻怪獸係 weekday 先出現)，於是我 suggest 出街食飯，費事阿媽又要湊孫又要煮飯。結果去左太子鳳城，d 野幾好味，值得推介。我帶埋部相機睇下有無野影，點知酒樓好黑，又無乜裝修 (實力派酒樓，無裝修，只靠食物質素)，所以只影人 (影人要用 ISO 1600，因室內太暗)。

以下係用相機捕捉隻怪獸既幾個表情，呢隻野唔做戲真係浪費 (我相信好多細路都係咁，表情多多!)


唔洗勸我，可見將來內我都會有細路-phobia.